CASTELLIO ad Matronam

CASTELLIO ad Matronam

vulgo Chastillon sur Marne, urbecula Franciae, in Campania superiori, ad Matronam fluvium sita, vix 3. leucis ab Epernaco in occasum, et 7. a Remis in austrum. Hinc illustri Familiae nomen, quam Andr. Duchesnius insigni opere repraesentavit. Deducitur illa ab Eude, Hervei Archiepiscopi Rhemensis fratre, principiô saeculi X. et pluribus ramis viguit. Nam ex ea primum Vicedomini Rhemenses et Catalaunenses, Domini de Basoches, Villescavoir, Tocy, Baserne, Chasteau porcean, Pacy et Nantueil, Nantueil al Fosse, Autresche: dein cum Gaucherio III. Dn. de Chastillon, ab uxore Elisabetha Comitatus de S. Paul ac alia obtigissent, Comites de S. Paul, at aliis hereditatibus de Blois, de Soissons, de Dunois, et de Porecean, Domini de Leuse Conde,

Encre, Blois, Dampierre, Rosoy, Clacy, la Fere, descenderunt. Ducalem titulum Carolus Blesensis, ductâ herede Ducatûs Britanniae intulit, sed non eô quiere gavisus est, adversantibus Monfortiis: unde posteri titulô Comitum Pentheuriae ac Petricorii, Baronum de Avaugour et de l'Aigle, contenti esse debuêre. E Sanpaulensium et Porceanorum ramo novos palmites dedit Iohannes Dn. de Chastillon et Candelus, Magnus Coquus Franciae, a cuius minoribus filirs derivantur Domini de Ours, Douy, Ponnevil, a primogenito Gaucherio, praeter Dominos de Marigny, Cissy et de Troissy, primaria linea (sed veteri domus potentiae minime par) Dominorum d'Argenton, Bouville, Farcheville, Boisrogues, la Greve, etc. orta est: e quibus Aegidio Baroni d' Argenton, (silio Claudii, nepoti Claudii, pronepoti Iohannis Car. de la Greve Bouville, abnepoti Caroli de Chastillon Dn. de Bouville et Farcheville qui obiit A. C. 1480.) nati sunt ex Maria de Vivonne Andreas Dn. de Farcheville (A. C. 1605.) et Francisvus Dn. de Bois rogues (natus A. C. 1606.) vide Spenerum, Theatr. Nobilit Tom 2. p. 40.